בעזרת ה' יתברך
ד' פרשת בהעלותך, י"ז סיון, שנת תשפ"ב לפרט קטן
מרת ... תחי' ברסלב, ליבערטי
די מנהלת האט מיר היינט געזאגט אז איר זענט זייער א גוטע טיטשער, איר לייגט אריין אייער גאנצע הארץ אין די קינדער. זי האט מיר דערציילט בפרטי פרטיות ווי איר געבט אכטונג אויף די צעקלאפטע מיידלעך, ווי למשל ..., ..., וואס זיי זוכן נישט גוטע אויפמערקזאמקייט, זיי מאכן זיך נאריש.
איר געבט אזוי אכטונג אויף זיי; א צווייטער וואלט זיי שוין גלייך געשיקט צום אפיס און זיי נאכמער צעקלאפט, איר מיט אייער בינה יתירה פארשטייט אז זיי זענען בכלל נישט חוצפה'דיג, זיי זענען נאר צעקלאפט, אזוי בויט איר זיי אויף.
איך מוז אייך זאגן אז איך האב זייער הנאה צו הערן אז מיר האבן אזעלכע איבערגעגעבענע טיטשערס ווי אייך. דער אייבערשטער וועט אייך זיכער באצאלן, איר וועט זען נחת ביי אייערע קינדער.