בעזרת ה' יתברך - יום ה' פרשת לך לך, ח' מרחשון, שנת תשפ"ו לפרט קטן
... נרו יאיר
איך האב שוין לאנג נישט געהערט פון דיר, איך האף אז אלעס איז גוט און פיין.
איך וויל דיך מחזק זיין דו זאלסט יעדן טאג לערנען אביסל חומש מיטן תרגום איינגעטיילט לויט די פרשת השבוע, זונטאג ביז שני, מאנטאג ביז שלישי און אזוי ווייטער. אויך זאלסטו זאגן יעדן טאג תיקון הכללי, די צען קאפיטלעך וואס דער רבי האט אונז געגעבן א מתנה [קאפיטל טז, לב, מא, מב, נט, עז, צ, קה, קלז, קנ], דאס וועט דיר ברענגען הצלחה.
אז דו וועסט פרעגן, וואס דארף מען גיין צו א צדיק, מען קען דאך גיין גלייך צום אייבערשטן? דער ענטפער איז, אנעם צדיק פארגעסט מען פונעם אייבערשטן, דער צדיק דערמאנט און מאנט מיר זאלן גיין צום אייבערשטן, אים בעטן יעדע זאך.