בעזרת ה' יתברך - יום ג' פרשת וארא, כ"א טבת, שנת תשפ"ה לפרט קטן
לכבוד מיין טייערער ליבער ... נרו יאיר
ערשטנס, א גרויסן דאנק פארן מיר העלפן שאפן געלט פאר די כולל, עס איז זייער א גרויסע זכות צו העלפן לומדי תורה זאלן קענען לערנען בהתמדה און נישט חס ושלום דארפן אפלאזן דאס לערנען.
איך בעט דיר זאלסט זיך שטארקן און נאך מער אראפנעמען פון מיר דעם עול פון צאלן די כולל אינגעלייט. עס טוט מיר וויי אז איך קען נישט צאלן צייטליך, שוין אפאר וואכן וואס איך קען נישט צאלן די כולל אינגעלייט; מאך א התעוררות צווישן אנשי שלומינו, ביי די בעלי בתים, זיי זאלן העלפן מיט גרויסע סכומים, אז אונזער כולל זאלן האבן א קיום.
אויך זאלסטו זיין זייער פרייליך אז אונזער פלאג און מי – איז פאר גוטע זאכן; פארן משמש זיין דעם רבי'ן. אויך זאלסטו פרייליך מאכן דיין ווייב תחי'.