בעזרת ה' יתברך - יום א' פרשת ויצא, ג' כסליו, שנת תשפ"ו לפרט קטן
... תחי'
איך האב ערהאלטן די מעסעדזש אז איר האט ארויסגענומען די נישט כשר'ע טעלעפאן פון שטוב, איר שרייבט אז דאס איז בזכות די דרשות, די שיעורים; איך פריי זיך זייער, און איך בין זיכער אז דאס וועט ענק ברענגען ישועות, ענק וועלן זוכה זיין צו פרנסה בריווח און צו נחת פון די קינדער.
מאכט זיך א צייט יעדן אינדערפרי נאכן לייגן די קינדער אויפן באס צו שמועסן פאר אפאר מינוט מיטן אייבערשטן, הייבט אן מיט דאנקען; דאנקט דעם אייבערשטן פאר די חסדים און בעטס אים פאר אייך, פאר אייער מאן און קינדער, זיי זאלן מצליח זיין אין אלעס.
נאכאמאל א יישר כח פאר די מעסעדזש וואס איז געקומען אין די ריכטיגע מינוט, ווען איך בעט דעם אייבערשטן ער זאל מיך מחזק זיין וכו'.