בעזרת ה' יתברך - יום ג' פרשת בהעלותך, י"ז סיון, שנת תשפ"ג לפרט קטן
לכבוד ... נרו יאיר
איך בלייב ביים רבי'ן, זאל זיין וואס זאל זיין, און אז דו ווילסט אויך בלייבן - איז גוט.
דער הייליגער רבי האט דערציילט, א קעניג איז געגאנגען אין וואלד פאנגען חיות מיט זיינע מיניסטארן, דער קעניג האט אנגעהויבן נאכלויפן א הערש, ער האט נאר געוואלט כאפן דעם הערש. פלוצלונג האט אנגעהויבן גיסן א רעגן, די מענטשן וואס זענען מיטגעגאנגען מיטן קעניג האבן געוואלט אהיימגיין, האט דער קעניג געזאגט: "איך מוז כאפן דעם הערש, און אז ענק ווילן אהיימגיין - זאלן ענק גיין", און דער רבי האט אויסגעפירט: "איך מוז כאפן דעם הערש, ווער עס וויל - קען צוריקגיין".
מוהרא"ש זאגט, דער הערש וואס דער רבי וויל כאפן איז אמונה, 'צבי' באטרעפט 102 אזוי ווי 'אמונה', דער רבי וויל אריינברענגען אמונה אין די גאנצע וועלט, אז עס זאל שוין מקוים ווערן "לְתַקֵּן עוֹלָם בְּמַלְכוּת שַׁדַי"; בעט איך דיר אויך מיין טייערער ברודער, שטארק זיך און לאמיר העלפן דעם רבי'ן כאפן דעם הערש, לאמיר פארשפרייטן די אמונה פאר די גאנצע וועלט.
איך וויל דיר בעטן זאלסט באצלן דיין שכר לימוד, איך האב אראפגענומען פון אנשי שלומינו די גרויסע פרייז פון קעמפ, אבער שכר לימוד מוז מען באצאלן אן קיין שום תירוצים.
דער אייבערשטער זאל העלפן זאלסט האבן הצלחה אין אלע ענינים.