בעזרת ה' יתברך - יום ב' פרשת פקודי, כ"ד אדר, שנת תשפ"ה לפרט קטן
... נרו יאיר
מיינע עלטערן האבן מיר דערציילט אז דיין בחור איז געווען מיט זיי שבת אין מירון מיט נאך צוויי בחורים פון אונזער ישיבה, און זיי האבן זיך אויפגעפירט מיט גרויס דרך ארץ און גרויס הכנעה און יראת שמים.
איך בענק זיך שוין זייער צו דיין זון און צו אלע תלמידי הישיבה און צו אנשי שלומינו. מיטן אייבערשטנ'ס הילף וועל איך קומען קיין ארץ ישראל אויף ל"ג בעומר, איך האף צום אייבערשטן צו קענען פארברענגען אביסל מיט די בחורים; לערנען מיט זיי און שמועסן פון רבי'ן מיט זיי.
גיי יעדן טאג א שפאציר אין א זייטיגע שטילע געסל, אדער א ליידיגע פעלד, און שמועס זיך אויס מיטן אייבערשטן. דערצייל אים ווי שטארק דו ווילסט זיין צוגעקלעבט צו אים, ווי שטארק דו ווילסט טראכטן נאר פון אים.
דער אייבערשטער זאל העלפן זאלסט האבן הצלחה אין אלע ענינים.