בעזרת ה' יתברך
יום ג' פרשת נשא א', ג' סיון, שנת תש"פ לפרט קטן
לכבוד מיין טייערער ... נרו יאיר.
קודם כל א גרויסן יישר כח פאר'ן מיר העלפן אזוי געטריי; דו האסט אראפגענומען פון מיר דעם עול פון דעקן די רענט פאר'ן בנין הישיבה, וואס נעמט אריין די הדפסה, דער כולל, די תלמוד תורה און אפיסעס; בזכות די גרויסע מצוה זאלסטו זוכה זיין צו הצלחה.
שנית, איך האב געזען די זאך וואס דו מאכסט יעצט מיט'ן צוזאמנעמען אנשי שלומינו, יעדער איינער וואס ער טוט, מיט וואס ער איז זיך מפרנס; אזוי אז מען זאל זיך קענען מפרנס זיין איינער דעם צווייטן.
איך וויל זייער אז עס זאל ווערן אנגענומען ביי תלמידי הישיבה, אנשי שלומינו, דער געדאנק: "ברסלב שטיצט ברסלב"; פאר מען רופט איינעם צו פאררעכטן וכו', וכו', זאל מען געדענקען: "ברסלב שטיצט ברסלב".
שטארק זיך בלימוד התורה; יעצט ווען עס קומט דער יום טוב שבועות האט זיך דאך אנגעהויבן דיין סיפור התקרבות, ווען דו האסט געהערט די ערשטע מאל אום ערב שבועות אויפ'ן וועג פארנדיג קיין ... – א שיעור פון ישיבה און דאס האט אנגעצינדן אזא פייער אין דיר; פון דעמאלט האסטו שוין געלערנט קרוב צו הונדערט מאל ששה סדרי משנה.
איך האב דיר ליב.