בעזרת ה' יתברך - יום ה' פרשת תרומה, ב' אדר, שנת תשפ"ו לפרט קטן
... נרו יאיר, קרית ברסלב
די וואך זענען געקומען די קינדער פון די עלטסטע קלאס אין ישיבה, ביים פארברענגען מיט זיי האבן זיך א טייל קינדער אפגערעדט אז זיי קומען נישט אן צייטליך אין חדר ווייל זייער באס דרייווער קומט נישט צייטליך, זיי זאגן מיר אז דו זיצט אין שול, דו לערנסט וכו'.
וויל איך דיך מחזק זיין זאלסט נישט לערנען אין די צייט ווען מען דארף ברענגען די קינדער אין חדר, ווייל ברענגען קינדער אין חדר לערנען תורה – איז העכער פון אלעס, עס איז מער פון לערנען און דאווענען.
דעריבער זאלסטו ענדערש זיין אויפן באס, ברענגען די קינדער אין חדר. העלף מיר מיט דעם פרט, אז די קינדער זאלן קומען צייטליך, געב א שמייכל פאר יעדן קינד, מאך פרייליך, בלאז אריין א חיות אין די אידישע נשמה'לעך.
גיי שלאפן פרי, שטיי אויף פינף אזייגער; דעמאלט זאלסטו דינען דעם אייבערשטן מיט התבודדות, מיט דיינע שיעורים כסדרן, און דאווען פרי, עס עפעס און נעם דעם באס אין צייט וכו'.