בעזרת ה' יתברך - יום ב' פרשת ויחי, ט' טבת, שנת תשפ"ו לפרט קטן
... נרו יאיר, מאנסי
איך האב שוין לאנג נישט געהערט פון דיר, איך האף צום אייבערשטן אז אלעס איז ביי דיר גוט, און אז דו ביסט זיך מחזק אין עבודת השם יתברך מיט דאווענען און לערנען. דער רבי האט געזאגט (שיחות הר"ן, סימן רפז): "וואס דארף א איד טון אויף דער וועלט? נאר דאווענען און לערנען און דאווענען", מען דארף גארנישט טון מער פון דעם.
דו וואוינסט יעצט אין מאנסי, וויל איך דיר בעטן זאלסט פרובירן צו גיין וואס מער צום ריבניצער רבי'ס ציון, גיי כאטשיג איין מאל א וואך, און אויב דו קענסט גיין איין מאל א טאג – איז גאר גוט, זאג דארט אפאר קאפיטלעך תהלים און בעט פאר דיר, מאכט דארט התבודדות. ביי קברי צדיקים איז א גוטע פלאץ פאר התבודדות, און אויב איך מעג דיר בעטן דו זאלסט מיך אויך מזכיר זיין אין דיינע תפילות, יואל בן רייצא רעכיל און מיין גאנצע משפחה.