בעזרת ה' יתברך - יום ב' פרשת שמיני, אסרו חג פסח, כ"ג ניסן, שנת תשפ"ה לפרט קטן
מיין טייערער ... נרו יאיר, תלמיד ישיבת היכל הקודש ירושלים
איך האב ערהאלטן א גאר שיינע גרוס אויף דיר פון דיין טאטע, אז דו האסט געהאלפן אנגרייטן דעם יום טוב אזוי געטריי. האסט געהאלפן קאכן, האסט געהאלפן מיט אלעס וואס מען האט נאר געדארפט, און אויך אין יעדע איבריגע מינוט האסטו געלערנט בהתמדה רבה.
איך האף צום אייבערשטן צו קומען קיין ארץ ישראל אויף ל"ג בעומר און זיין מיט די בחורים פון אונזער ישיבה, און ענק דערציילן פון הייליגן רבי'ן וואס איך האב מקבל געווען פון מוהרא"ש זכותו יגן עלינו.
דער אייבערשטער זאל העלפן זאלסט האבן הצלחה אין אלע ענינים.