בעזרת ה' יתברך - יום ד' פרשת פנחס, י"ח תמוז, שנת תשפ"ד לפרט קטן
לכבוד מיין טייערער... נרו יאיר
איך בענק זיך נאך די צייטן וואס דו פלעגסט מיר יעדע שטיק צייט פרייליך מאכן מיטן דערציילן דיינע סיומים; וויפיל דו לערנסט און פון דיין דאווענען. דו פלעגסט לעבן, דיין פנים האט געשיינט פון תורה. איך וויל דיך מחזק זיין זאלסט צוריק אנהויבן לערנען גמרא און משניות, דאס וועט דיר געבן לעבן, אזוי ווי עס שטייט "כי הוא חייך", די תורה איז לעבן.
טייערער ליבער ברודער, נאר תורה זעטיגט דעם מענטש, נאר תורה מאכט גליקליך און צופרידן, אלעס אנדערש וועפט אויס, אלעס אנדערש מאכט נישט זאט, עס גייט אריבער די צייט און מען פאלט אריין אין עצבות.
מען פארט שוין צום רבי'ן אויף ראש השנה, זאלסטו קומען מיט מתנות, נישט מיט ליידיגע הענט. הויב אן ששה סדרי משנה, הויב אן צוריק א שיעור גמרא, איך וויל צוריק זען דיין שיין פון דיין פנים, דיין לעבעדיגע לעבן.