בעזרת ה' יתברך - יום ה' פרשת בא, ד' שבט, שנת תשפ"ו לפרט קטן
... נרו יאיר
געב איבער פאר דיין טאטע הרב הצדיק שליט"א א יישר כח פארן מיר שיקן דעם הערליכן ספר וואס איז יעצט ארויס פון דרוק, ימי מוהרא"ש פון שנת תשמ"א, איך האב שוין געענדיגט איין מאל דעם ספר, און עס ציט זייער, איך גיי דאס שוין איבער א צווייטע מאל, אזויפיל חידושים פון חיזוק און שכל ווי אזוי אנצוגיין אין לעבן.
ליבער ברודער, מיר דארפן אזויפיל דאנקען דעם אייבערשטן אז מיר ווייסן פון אזא רבי מיט אזעלכע תלמידים וואס זענען אונז מחי' ומחזק, וואס דערמינטערט אונז, מיר זאלן זיך באנייען, מיר זאלן שטענדיג אנהייבן פונדאסניי מיט דינען דעם אייבערשטן.
א גרוס פון דיין זון ... נרו יאיר, איך האב אים געזען די וואך אין ישיבה, ער שיינט, ער זעט אויס פרייליך, דאס איז א גוטע סימן וכו'.