בעזרת ה' יתברך
יום ה' פרשת משפטים, כ"ה שבט, שנת תשע"ט לפרט קטן
לכבוד מיין טייערער ... נרו יאיר.
א גרויסן יישר כח פאר'ן ארויסהעלפן די ישיבה מיטן צושטייער געבן פאר די רענט פון דעם חודש ... דאללער; דער אייבערשטער זאל דיר העלפן אז אין דעם זכות זאלסטו מצליח זיין אין אלע ענינים.
איך האב צער פון דעם "לוח" אז דאס איז פול מיט גרייזן; יעדן טאג ווען איך נעם דעם "לוח" צו זען די שיעורים כסדרן ב'בלי, י'רושלמי, ת'וספתא, נ"ך, וכו', האב איך נאכאמאל צער פארוואס דאס איז אזוי פארגרייזט, ממש א שאד אז דאס איז ארויסגעגעבן געווארן אזוי גרייזיג.
בעט איך דיר זייער, אויב דו קענסט שוין אנהייבן צו ארבעטן אויף די לוח לשנת ה'תש"פ און מיר ברענגען עטליכע העתקות אז איך זאל דאס קענען געבן פאר אפאר תלמידים זיי זאלן דאס איבערגיין, אזוי וועט דאס נישט זיין גרייזיג.
זיי נישט ברוגז אז איך שרייב דיר דאס, ווייל עס איז ממש א שאד אז עס איז אזוי צעפארן בשעת עס ווערן נתרבה – כן ירבו – אזויפיל תלמידים וואס לערנען בהתמדה על פי סדר דרך הלימוד פון רבי'ן, לויט ווי מוהרא"ש האט דאס אויסגעשטעלט.