בעזרת ה' יתברך - יום ב' פרשת בהר-בחוקותי, כ"א אייר, ל"ו לעומר, שנת תשפ"ה לפרט קטן
צו מיין טייערער ... נרו יאיר
איך בעט דיר זייער, דערהאלט זיך מיט אלע כוחות דיינע, פון הימל פרובירט מען דיך אויס, מען וויל זען צו וועם דו וועסט זיך ווענדן; וועסטו גיין צו פלוני אלמוני, בערל, חאצקל, שמערל, תנחום, אדער דו וועסט אויפהייבן דיינע אויגן צום אייבערשטן און אים בעטן: "הושעינו העלף מיר, הצלינו ראטעווע מיך".
בפרט אויף צרות היצר וואס ווארפט אראפ דעם מענטשן אין עבירות רחמנא לצלן, ער איז אים מכשיל אין ביטערע עבירות, ווער רעדט נאך ווען מען פאלט אראפ אין פגם הברית, הוצאת זרע לבטלה רחמנא לצלן; דארף מען זיך אויפהייבן און זיך גוט אויסוויינען צום אייבערשטן: "רבונו של עולם וואס וועט דא זיין מיט מיר? איך ליג אין בלאטע, איך ליג אין עבירות, העלף מיר, ראטעווע מיך וכו' וכו'".
איך בין אין ארץ ישראל, איך דאווען פאר דיר ביי די הייליגע צדיקים, דו זאלסט זוכה זיין צו געהאלפן ווערן.