בעזרת ה' יתברך - יום ג' פרשת יתרו, י"ג שבט, שנת תשפ"ה לפרט קטן
מרת ... תחי'
איך האב ערהאלטן אייער בריוו.
איר קענט זיך גארנישט פארשטעלן דאס גרויסקייט פון העלפן א טאטע; חכמינו זכרונם לברכה זאגן (תנא דבי אליהו רבה, פרק כו): "כָּל הָעוֹלָם כֻּלּוֹ שֶׁל הַקָדוֹשׁ בָּרוּךְ הוּא", די גאנצע וועלט איז דעם אייבערשטנ'ס, "וְאֵין הַקָּדוֹשׁ בָּרוּךְ הוּא מְבַקֵּשׁ מֵהָאָדָם", און דער אייבערשטער בעט נישט פון אונז, "רַק שֶׁיְכַבֵּד אָב וָאֵם", נאר אז מיר זאלן מכבד זיין טאטע און מאמע.
דאס וועט גארנישט אוועק נעמען פון אייער צייט וואס איר ווילט געבן פאר אייערע קינדער, דאס וועט אייך מאכן א ברכה אין די צייט און עס וועט מאכן אז אייערע קינדער זאלן אויסוואקסן ערליך און הייליג; נישטא עפעס העכער'ס פון דעם.
דער אייבערשטער זאל העלפן איר זאלט האבן הצלחה אין אלע ענינים.