בעזרת ה' יתברך
יום ג' פרשת חיי שרה, כ"ב חשון, שנת תש"פ לפרט קטן
לכבוד מיין טייערער ... נרו יאיר.
דו קענסט זיך נישט פארשטעלן דיינע זכותים אויבן אין הימל מיט דעם וואס דו דרוקסט די הייליגע ספרים און קונטרסים וואס מוהרא"ש האט צוזאמגענומען פון רבי'ן צו מחזק זיין אידישע קינדער. בפרט די בריוון פון עצתו אמונה וואס מענטשן זענען זיך זייער מחי' דערמיט; די מפיצים געבן איבער אז מען צעכאפט דאס וועכנטליך אין די צענדליגער טויזנטער.
די וועלט רוקט זיך פאראויס וכו', דארפן מיר זיין גרייט מיט הפצה אויף אלע וועגן; איך וויל זייער שטארק מאכן אן עפפ אז מען זאל קענען גרינג אנקומען צו די ספרים, בריוון און שיעורים אויפ'ן טעלעפאן. האברך היקר ... נרו יאיר זאגט אז מען קען מאכן א שיינע גרינגע עפפ פאר דרייסיג טויזנט דאללער. מען וועט קענען זען פון די גאנצע וועלט די קונטרסים, ספרים, גליונות און שיעורים גרינגערהייט.
אפשר קענסטו מאכן אן התעוררות ביי די תלמידים, ווער עס וויל נעמען א חלק אין דעם זכות הרבים לדורות; א שאד עס זאל זיך אפהאלטן צוליב געלט.
שטארק זיך און שטארק דיין ווייב און קינדער; יעדן טאג ווען דו קומסט אהיים פון ארבעט זאלסטו טאנצן מיט דיין גאנצע משפחה: "אשרינו שזכינו להתקרב לרבינו".
איך האב דיר ליב אן א שיעור.