בעזרת ה' יתברך
יום ב' פרשת אמור, י"ד אייר, פסח שני, שנת תשפ"א לפרט קטן
לכבוד מיין טייערער ... נרו יאיר
ווי גוט איז אונזער חלק, ווי וואויל איז אונזער גורל – אשר בנחל שם גורלינו, אז מיר האבן די זכי' צו עוסק זיין אין די הייליגע ארבעט פון פארשפרייטן די ספרים, קונטרסים און גליונות פאר אלעמען.
אנו עמלים והם עמלים, אלע מוטשען זיך; אנו רצים והם רצים, אלע זענען פאריאגט; אבער וואס וועט בלייבן פון אלע פלאג און יאגעניש? נאר דאס וואס מיר זענען זוכה צו פארשפרייטן פאר אנדערע, דאס וועט בלייבן.
וואלסטו געוויסט ווי חשוב הפצה איז, וואלסטו געטאנצן און געזינגען פון פרייד: "אשרינו מה טוב חלקינו..."