בעזרת ה' יתברך - יום ב' פרשת מקץ, כ"ב כסליו, שנת תשפ"ה לפרט קטן
מיין טייערער ... נרו יאיר
אז מען טראגט דיר אן א שידוך - זאלסטו עס נישט אפזאגן; די ווארט 'באשערט' לאז פאר די אנדערע זייט, זאלן זיי אפזאגן די שידוך, און אז מען זאגט דיר 'ניין' - זאלסטו נישט ווערן צעבראכן, נאר זאגן עס איז נישט 'באשערט', אבער דו פון דיין זייט זאלסטו זיין גרייט אויף יעדע שידוך וואס מען טראגט דיר אן, זאלסט חתונה האבן נאר צו טון רצון השם יתברך.
געב זיך אכטונג פון די גרויסע פיינט וואס הייסט 'צייט', ווייל מען געבט זיך איין דריי און מען גייט שוין צוריק צום אייבערשטן, און מען מוז חתונה האבן און ברענגען קינדער.
וואויל איז דער וואס וועלט זיך נישט, ער טוט דעם רצון פון אייבערשטן; וועט אים זיין גוט בזה ובבא.
דער אייבערשטער זאל העלפן זאלסט האבן הצלחה אין אלע ענינים.