בריוון פונעם ראש ישיבה שליט"א

#1 - זיי ווייטער עוסק אין הפצה
הפצה

בעזרת ה' יתברך


יום ה' פרשת משפטים, כ"ה שבט, שנת תשע"ט לפרט קטן


 


לכבוד מיין טייערער ... נרו יאיר.


א גרויסן יישר כח פאר'ן ארויסהעלפן די ישיבה מיטן געבן פאר די רענט פון דעם חודש ... דאללער; דער אייבערשטער זאל העלפן אז בזכות די מצוה פון צדקה זאלסטו מצליח זיין אין אלע דיינע וועגן.


איך האב נעכטן פארהערט דיין זון ...'ס כתה, איך מוז דיר זאגן אז ער האט זייער גוט געקענט די משניות כזקן ורגיל, ער זאגט די משנה'ס מיט א התלהבות און א חיות – ממש א פארגעניגן.


דער אייבערשטער זאל העלפן ער זאל אויסוואקסן אן ערליכער איד, דו זאלסט האבן פון אים און פון אלע דיינע קינדער גרויס נחח.


איך בעט דיר זייער טייערע ... נרו יאיר זאלסט ווייטער עוסק זיין אין "הפצה"; עס ברענט א פייער, אידישע קינדער – אינגלעך, בחורים און מיידלעך ווערן נעבעך פארברענט און נאר די ספרים פון רבי'ן קען אויסלעשן דעם פייער פון ניאוף און אריין שיינען אין זיי די אמונה אינעם אייבערשטן.


שטארק זיך!