בעזרת ה' יתברך - יום ד' פרשת דברים, ראש חודש מנחם-אב, שנת תשפ"ג לפרט קטן
... תחי', תלמידה בית פיגא
איך האב ערהאלטן אייער בריוו.
איך ווייס איר זענט א גוט קינד, און איך ווייס פון א גאנץ יאר ווי גוט און איידל איר האט זיך אויפגעפירט, דעריבער האט מיר זייער וויי געטון צו הערן אז יעצט זומער האט איר אנגעהויבן זיך פירן קינדיש אן קיין דרך ארץ.
די מנהלת תחי' האט מיר געזאגט זי ווייסט נישט וואס האט פאסירט, אז זי האט אייך גערופן און איר האט זיך אויסגעלאכט, איר זענט ווייטער געגאנגען און זיך ניטאמאל וויסנדיג געמאכט פון איר, זי זאגט מיר: "דאס איז נישט אונזער ...".
יעצט אז איר שרייבט מיר אז איר האט זיך באנארישט און איר זענט צוריק די אלטע ... תחי' - פריי איך זיך זייער און איך בין אייך מוחל.
איך האף צום אייבערשטן איר וועט זיין א גוטע ביישפיל פון א תלמידה בית פיגא.
דער אייבערשטער זאל העלפן איר זאלט האבן הצלחה אין אלע ענינים.