בעזרת ה' יתברך - יום ב' פרשת מקץ, כ"ב כסליו, שנת תשפ"ה לפרט קטן
מרת ... תחי'
איך האב ערהאלטן אייער בריוו.
אויף אייער פראגע וכו'; איר זאלט אלעס טון למען השלום, שלום איז קדושה, שלום איז אמת, די גרעסטע זאך איז שלום, די גרעסטע זאך פאר די קינדער איז שלום. דער רבי זאגט (ספר המדות אות שלום, סימן יז): "עַל יְדֵי רְדִיפַת שָׁלוֹם מַצִּיל לְבָנָיו מִמִּיתָה וּמִגָּלוּת", דורך זוכן שלום ראטעוועט מען די קינדער פון מיתה און פון גלות. די גאנצע ברכה קומט דורך שלום, דער רבי זאגט (שם, סימן יח): "הַבְּרָכָה בָּא עַל יְדֵי שָׁלוֹם", ברכה קומט דורך שלום.
לעבט נישט מיט קיין ספיקות, געבט איבער די גאנצע זאך פארן אייבערשטן און טוט אלעס נאר פאר שלום, ובזכות שלום וועט זיין ברכה והצלחה, און די קינדער וועלן לעבן און נישט האבן קיין גלות לעבן, נאר א שיינע זיסע גליקליכע לעבן.
דער אייבערשטער זאל העלפן איר זאלט האבן הצלחה אין אלע ענינים.