בריוון פונעם ראש ישיבה שליט"א

#1 - זע צו לערנען פלייסיג הלכה
הלכה

בעזרת ה' יתברך


חורף, שנת תש"פ לפרט קטן


 


טייערער ליבער ... נרו יאיר.


זע צו לערנען פלייסיג הלכה; דו ווייסט דאך אז דער הייליגער רבי האט אונז זייער מזהיר געווען מיר זאלן לערנען הלכה מער פון אלעס אנדערש (יעיין שיחות הר"ן, סימן כט), ווייל הלכה איז דער אייבערשטער אליינס. אזוי ווי דער הייליגער רבי האט אמאל געזאגט: "ווען מען האלט א מצה אין האנט האלט מען כביכול דעם אייבערשטן; ווייל ווער האט געהייסן עסן מצה? מאכן די מצה? דער אייבערשטער, איז עס אזוי ווי מען האלט אים אליינס".


אזוי איז אויך מיט "הלכה", פארוואס פסק'נט מען אזוי? ווייל 'גאט' האט אזוי געזאגט, איז די הלכה דער אייבערשטער אליינס.


איך און אויך מאמי האבן זייער פיל נחת פון דיר.