בעזרת ה' יתברך - ערב שבת קודש פרשת אמור, י"ח אייר, ל"ג בעומר, שנת תשפ"ה לפרט קטן
לכבוד מיין טייערער ליבער ... נרו יאיר
איך בין אין מירון און דו קענסט זיך נישט פארשטעלן וואס פאר א מהפכה די שיעורים און די גליונות און קונטרסים האבן געמאכט, וויפיל איך וועל דיר זאגן – וועסטו דאס נישט גלייבן. צענדליגער און הונדערטער, און אפילו טויזנטער – זאגן מיר יישר כח פארן איבערדרייען זייער לעבן צום גוטן, איך קען נישט זיין צווישן מענטשן, מען באלאגערט מיך, אלע זאגן אז זייער לעבן איז זיי ליכטיג געווארן.
איך שרייב דיר דאס ווייל איך וויל דו זאלסט זיך שטארקן אויף דיינע בלבולים און חלישות הדעת, זאלסט וויסן אז אלע לעבן פון די גליונות, שיעור חינוך, עצתו אמונה וכו'.
איך האב געהערט פון האברך ... נרו יאיר אז די ספר "ותחיינה את הילדים" איז שוין אריין אין דרוק, איך פריי זיך זייער, און איך האף צום אייבערשטן אז דו וועסט ווייטער טון אין הדפסה, ובזכות עוסק זיין אין הפצה זאלסטו זען ישועות, און דו זאלסט מצליח זיין אין אלע דיינע וועגן.