בעזרת ה' יתברך
יום ד' פרשת קרח, כ"ט סיון, ערב ראש חודש תמוז, שנת תשפ"א לפרט קטן
לכבוד מיין טייערער ... נרו יאיר
איך פרוביר צו מאכן א שידוך פאר דיין ברודער אבער דיין מאמע איז נאכנישט אינגאנצן איינשטימיג, זי טענה'עט 'וואס דארף מען נעמען די ערשטע שידוך וואס מען טראגט אן?' זי וויל זיך קלויבן; אפשר קענסטו רעדן צו איר שיינערהייט זיך זאל זיך נישט וועלן, זי זאל נעמען די מתנה פונעם אייבערשטן און טון די שידוך מיט שמחה.
בנוגע וכו'; רעד נישט צו קיינעם, דאס איז א סוד. א סוד בלייבט א סוד נאר אז קיינער ווייסט נישט. רעד נישט פון דעם, ווען די פרשה וועט אריבערגיין וועלן מיר קענען רעדן, מען וועט נאך אלעס דערציילן אין פריידן, לעת עתה האט מען גע'מסר'ט, די מוסרים זענען נאנטע, דארף מען שטארק אכטונג געבן.
לערן יעדן טאג די פיר שיעורים: מקרא, משנה, גמרא און מדרש, דאס איז אנטקעגן די פיר וועלטן: אצילות, בריאה, יצירה און עשיה, דאס ברענגט א גרויסע ליכטיגקייט.