בעזרת ה' יתברך - יום א' פרשת ויחי, ה' טבת, שנת תשפ"ה לפרט קטן
... תחי'
איך האב ערהאלטן אייער בריוו.
זייט ממשיך מיט אייערע גוטע קבלות פון זאגן יעדן טאג תהילים און ענדיגן יעדע וואך 'ספר תהילים', און אויך צו זאגן יעדן טאג די דרייצן 'אני מאמין.
לכבוד אייער געבורטסטאג זאלט איר זיך מקבל זיין צו ליינען קריאת שמע שעל המטה. חכמינו זכרונם לברכה זאגן (ברכות ה.): "כָּל הַקּוֹרֵא קְרִיאַת שְׁמַע עַל מִטָּתוֹ", ווער עס ליינט קריאת שמע שעל המיטה, "מַזִיקִין בְּדֵילִין הֵימֶנּוּ", גייען אוועק אלע מזיקים פון אים. נאך זאגן זיי (שם): "כָּל הַקּוֹרֵא קְרִיאַת שְׁמַע עַל מִטָּתוֹ", ווער עס ליינט קריאת שמע פארן שלאפן גיין, "כְּאִילוּ אוֹחֵז חֶרֶב שֶׁל שְׁתֵּי פִּיּוֹת בְּיָדוֹ", איז אזוי ווי ער האלט א שארפע שווערד וואס האט צוויי שארפן, און מען דארף גארנישט מורא האבן.
דער הייליגער מוהרנ"ת זאגט, וואס איז די צוויי שארפן? דאס איז תודה והודאה און תפילה; ווען מען רעדט צום אייבערשטן דארף מען ביידע, סיי דאנקען און לויבן און סיי בעטן אויף ווייטער.