בעזרת ה' יתברך - ערב שבת קודש פרשת יתרו, י"ט שבט, שנת תשפ"ו לפרט קטן
לכבוד ... נרו יאיר, לעיקוואד
איך האב זייער הנאה געהאט צו קומען קיין לעיקוואד נעכטן ליל שישי פרשת יתרו, און געבן דארט די שיעור פאר ענקער חבורה תלמידי היכל הקודש. איך זע ענק האבן ליכטיגע טייערע אינגעלייט, א גאר שיינע חבורה, איך האף ענק וועלן ווייטער ממשיך זיין מיט ענקער ברען צו 'הפצה' – פארשפרייטן דעם רבינ'ס עצות פאר די גאנצע געגנט.
בנוגע עפענען מוסדות אין לעיקוואד; איך האף צום אייבערשטן אז נאך אביסל וועלן מיר קענען עפענען א חדר מיט א בית פיגא, מען דארף נאך אביסל תפילה, נאכן מאכן התבודדות ווי אזוי דאס אוועק צו שטעלן וכו' וכו'.
מאך הפצה, פארברענג מיט די מפיצים, נעם צאם אלע חברים, אלע זאלן לייגן אין די שולן דעם רבינ'ס התחזקות, ווייל עס גייט אריבער ביטערע שווערע נסיונות אויף מענטשן, בפרט אויף די בני הנעורים, און נאר דער רבי קען זיי אלע ראטעווען פון זיך וועלן נעמען דאס לעבן רחמנא לצלן, און זיי מאכן פאר ערליכע אידן.