בעזרת ה' יתברך
יום ג' פרשת בשלח, י"ג שבט, שנת תשפ"א לפרט קטן
לכבוד ... נרו יאיר
געב איבער פאר דיין ווייב תחי' אז מארגן קען מען נישט מאכן א פרויען צאמקום, מארגן נאכט איז חמשה עשר בשבט - וועלן אלע דארפן בלייבן אין שטוב מאכן א שיינע סעודה פאר די משפחה; טאטע מאמע מיט די קינדער זיצן אינאיינעם, מען עסט אלע סארט פרוכט, די שבעת המינים און נאך, מען דאנקט דעם אייבערשטן און מען בעט דעם אייבערשטן מיר זאלן האבן מצות אויף פסח און ד' מינים אויף סוכות.
אויך דערציילט מען פאר די קינדער אז די אידן זענען צוגעגליכן צו די פרוכט, מען שמועסט אינאיינעם, מען איז זיך מחזק מיט די משפחה.
געב איר איבער אז איך זוך זיך נישט ארויסצודרייען, אבער מארגן חמשה עשר איז נישט שייך.
דעם מוצאי שבת בשלח וועט זיין די יארצייט סעודה פון מוהרא"ש זכר צדיק לברכה, די ווייבער שול וועט זיין אפן.