בעזרת ה' יתברך
יום ג' פרשת עקב, י"ט מנחם-אב, שנת תשפ"ב לפרט קטן
לכבוד מיין טייערער ... נרו יאיר
וואויל איז דיר אז דו האסט די שכל און די זכי' צו העלפן דרוקן די הייליגע ספרים און קונטרסים וואס מוהרא"ש האט געשריבן, אזויפיל אידן האבן כח אנצוגיין אין לעבן; די ספרים, קונטרסים און גליונות געבט זיי כח און חיזוק פאר עבודת השם.
איך געדענק די ליבשאפט וואס מוהרא"ש האט דיר געוויזן אלע יארן ווען דו האסט געדרוקט די ספרים; יעצט האט מוהרא"ש ווייטער נחת פון דיר מיט דעם וואס דו העלפסט די בית הדפוס, האסט מנדב געווען די חדר הדפסה.
דער אייבערשטער זאל העלפן מיר זאלן אונזער גאנצע לעבן קענען בלייבן שמשים פאר'ן רבי'ן און אויך אויף יענע וועלט.