בעזרת ה' יתברך
יום ג' פרשת מטות מסעי, כ"ז תמוז, שנת תשע"ח לפרט קטן
לכבוד אונזער טייערער ... הי"ו
היינט איז א גרויסע טאג פאר דיר, עס איז היינט דיין "יום הולדת"; דיין זיבעציגסטער יום הולדת.
זאל דיר אנקעגן קומען דיינע מעשים טובים פון אלע דיינע יארן, ווי דו ביסט זיך מוסר נפש צו העלפן אידישע קינדער, בפרט וואס דו ביסט עוסק אין די מצוה פון "פדיון שבוים", דו לייזט אויס יעדן טאג אידישע קינדער פון תפיסה.
דער רבי זאגט (ספר המידות, אות פדיון שבוים, סימן ז): "מִי שֶׁמְּרַחֵם עַל הַשְׁבוּיִם", ווער עס האט רחמנות אויף מענטשן וואס זיצן אין תפיסה, "הַקָּדוֹשׁ בָּרוּך הוּא מַצִּילוֹ מִמִּיתָה", וועט אים דער אייבערשטער אפהיטן פון שטארבן; זאלסטו טאקע זוכה צו לעבן נאך לאנגע געזונטע יארן מיט דיין ווייב תחי'.
נאך זאגט דער רבי (שם, חלק ב', סימן ט): "הִשְׁתַּדְּלוּת בְּפִדְיוֹן שְׁבוּיִם מְסֻגָּל לְהוֹלָדָּה", דורך פדיון שבויים האט מען קינדער.
זאל דיר אקעגן קומען די זכותים אז דו זאלסט זוכה זיין אויפצוציען קינדער מיט דיין טייערער ווייב תחי' און זען נחת פון זיי.