בעזרת ה' יתברך - יום ד' פרשת חקת, ו' תמוז, שנת תשפ"ה לפרט קטן
לכבוד ... נרו יאיר
ביי אונז אין די משפחה האט פאסירט אן אומגליק, מיין שוואגער האט פארלוירן זיין צוועלף יעריג אינגל וואס האט יעצט געדארפט בר מצוה האבן, איך בין זייער צעשאסן פון דעם.
איך וויל דיר בעטן זאלסט זיך מקבל זיין מער נישט רעדן קיין ניבול פה, ווייל דאס רעדן מיאוס'ע ווערטער ברענגט די צרות. אזוי ווי חכמינו זכרונם לברכה זאגן (שבת לג.), און דער רבי ברענגט דאס (ספר המדות אות ניבול פה, סימן ג): "בַּעֲווֹן נִבּוּל פֶּה צָרוֹת וּגְזֵרוֹת מִתְחַדְּשׁוֹת", צוליב די עבירה פון ניבול פה קומען אסאך צרות און נייע גזירות אויף די וועלט, "וּבַחוּרֵי יִשְׂרָאֵל מֵתִים, חַס וְשָׁלוֹם", יונגע מענטשן שטארבן, "וִיתוֹמִים וְאַלְמָנוֹת צוֹעֲקִים וְאֵינָם נַעֲנִין", יתומים און אלמנות שרייען פאר הילף און זיי ווערן נישט געענטפערט, אלעס דורך די עבירה פון ניבול פה.
דער אייבערשטער זאל העלפן זאלסט האבן הצלחה אין אלע ענינים.