בעזרת ה' יתברך
יום ג' פרשת ויצא, ה' כסליו, שנת תשפ"ב לפרט קטן
לכבוד מיין טייערער ... נרו יאיר
איך בענק זיך זייער צו דיר, איך ווארט צו הערן פון דיר וואס דו טוסט, וואס דו לערנסט.
מוהרא"ש זאגט, עס שטייט אין זוהר הקדוש (השמטות, רסו ע"ב; עיין בעל הטורים) אז "סוּלָם" באטרעפט אזוי ווי "קוֹל"; אפילו א מענטש ליגט אויף דער ערד, "מֻצָּב אַרְצָה"; אויב נוצט ער זיין קול, ער האט דעם סולם, דעם לייטער, "וְרֹאשׁוֹ מַגִּיעַ הַשָּׁמָיְמָה", קומט ער אן ביזן הימל; אפילו מען איז אראפגעפאלן קען מען נאכאלץ ארויסגיין פון די פלאנטער און אנקומען צום אייבערשטן.
צו באקומען די לייטער קאסט נישט קיין געלט, מען דארף נאר עפענען דאס מויל און זאגן: "באשעפער איך גיי זיין גוט, באשעפער איך גיי שוין זיין וואויל".
שטארק זיך, דראפע זיך און דערהאלט זיך.