בעזרת ה' יתברך - יום א' פרשת בהר-בחוקותי, כ' אייר, ל"ה לעומר, שנת תשפ"ה לפרט קטן
לכבוד מיין טייערער ליבער ... נרו יאיר
איך האב א גרוס פון דיינע עלטערן, איך בין געווען נעכטן נאכט – מוצאי שבת – אין יבנאל, איך האב מיט געהאלטן די שמחה ביי דיין פעטער, איך בין געווען מיט מיין ווייב. וואס זאל איך דיר זאגן, דיין זיידע שליט"א פירט דארט א הערליכע קהילה, מיין ווייב איז ארויסגעקומען פון די ווייבער זייט זייער איבערגענומען, זי זאגט אז די צניעות איז אויסטערליש שיין, די ווייבלעך און די מיידלעך גייען אנגעטון איידל און שיין, דיין מאמע תחי' לייגט אריין גרויסע כוחות.
דיר וויל איך זייער בעטן זאלסט גיין שלאפן פרי, מאך זיך אפ אז נאך מעריב שמועסטו נישט מיט קיינעם, און אז דו ווילסט נאך לערנען קענסטו דאס משלים זיין אינדערפרי, שטיי אויף וואס פריער, אינדערפרי האט מען קלארע מוחין פאר תורה ותפילה.
אויך זאלסטו גיין בקביעות יעדן טאג א שפאציר און זיך אויסשמועסן מיטן אייבערשטן, בעט אים ער זאל דיר ליכטיג מאכן דיינע אויגן אין לערנען און דאווענען.
איך האב געגעבן א גוטע גרוס פאר דיינע עלטערן און פאר דיין זיידע שליט"א.