בעזרת ה' יתברך - יום ג' פרשת תולדות, כ"ז מרחשון, שנת תשפ"ו לפרט קטן
מרת ... תחי', קרית ברסלב
איך האב ערהאלטן אייער בריוו.
וואס רעדט איר צו יונגע ווייבלעך זאלן זיך אויסטון זייער לבוש ווי זייערע עלטערן גייען? איר ווילט מען זאל דאס טון מיט אייערע קינדער? איר ווילט איינער זאל זאגן פאר אייערע קינדער 'פייפ אן דיינע עלטערן'? וואו איז אייער שכל?!
בכלל, ווי קענט איר אויסלויבן די לאנגע שייטלען, ווען מוהרא"ש האט קלאר געזאגט פאר אלע בית פיגא תלמידות אז מען טאר נישט גיין מיט א לאנגע שייטל?! מוהרא"ש האט געוויזן אויף זיין אקסל, אז ביז די אקסל קען זיין דאס לענגסטע, און מען טאר נישט גיין מיט א שייטל וואס רירט אן די אקסל; איז פארוואס טוט איר דאס צו אונזער קהילה?!
איך בעט אייך זייער, קילט נישט אפ אונזערע תלמידות פון בית פיגא זיי זאלן אוועקגיין פון זייערע עלטערנ'ס וועג, זיי זאלן אנפייפן די עלטערן; וואס רעדט איר איבריג? אז איר האט אויך אנגעפיפן אייער טאטע ווען ער האט אייך געבעטן צו גיין אן איידעלע שייטל, און איר זענט אנגעקומען נאך די חתונה ווי אזוי פאר אייך שמעקט...?
די וועלט זאגט 'היסטער"י רעפיט"ס', היסטאריע חזר'ט זיך איבער ביי די אייגענע קינדער - די וועג ווי מען באגייט זיך מיט די עלטערן, און אז מען מאכט אמאל אנדערש ווי די עלטערן לויט דעת תורה, נאכן פרעגן אן ערליכער רב אדער דיין - דארף דאס זיין מיט גרויס דרך ארץ און הכנעה, נישט מיט ביטול און חוזק.
דער אייבערשטער זאל העלפן איר זאלט האבן הצלחה אין אלע ענינים.