בעזרת ה' יתברך
יום ד' פרשת אחרי-קדושים, ה' אייר, שנת תש"פ לפרט קטן
לכבוד מיין טייערער ... נרו יאיר.
איך בעט דיר צוויי זאכן.
איינס, פון היינט און ווייטער זאלסטו נישט רופן די גוי'שע שכנים פרעגן אויב זיי ווילן פארקויפן; מען דארף יעצט אביסל ווארטן זיי זאלן אראפקומען מיט די פרייזן. ווי מער מען לויפט זיי נאך זעען זיי אז מיר ווילן זייער שטארק אפקויפן אלע הייזער, דערפאר הייבן זיי די פרייזן העכער פון וויפיל עס איז ווערד. אויב איינער רופט דיר קענסטו האנדלען מיט יענעם, אבער דו זאלסט נישט רופן זיך בעטן. אלע שכינים האבן דיין נומבער, אלע קענען דיר; ווארט אביסל וועלן אלע קומען זיך בעטן מען זאל אפקויפן זייערע הייזער.
צווייטנס, איך וויל דו זאלסט ארויס שיקן בריוו פאר אלע שכינים אין נאמען פון אונזער קהלה אז מיר זוכן זיי נישט אוועק צו טרייבן, מיר האבן הנאה צו וואוינען מיט אזעלכע גוטע שכינים און פאר סיי וואס פאר א פראבלעם קען מען זיך פארבינדן מיט די הנהלה. מיר ווילן זיין בשלום מיט זיי, מיר זוכן נישט זיי צו פארטרייבן. דאס וועט מאכן אז זיי זאלן אראפקומען מיט די פרייזן; כל זמן זיי ווייסן דעם אמת וואס מיר ווילן, גייען זיי ארויף מיט די פרייזן. אויך וועט דאס מאכן אז מען זאל זיך נישט קריגן, מען זאל לעבן בשלום.
האב נישט מורא, זיי וועלן סיי ווי אוועק מופן, אפילו מען לעבט בשלום, ווייל א גוי האט נישט ליב קיין אידן וכו'.
איך וועל רעדן צו מרת ... זי זאל שרייבן א שיינע בריוו, זי שרייבט זייער גוט; דאס וועט מאכן גרויס פארשריט.
געב איבער פאר אלע משפחות וואס רופן דיר, זיי ווילן קויפן הייזער, אז זיי זאלן האבן סבלנות פאר זייער טובה; אויב מען וועט ווארטן וועט מען קענען קויפן הייזער פאר זייער ביליג.
לאז נישט אויס קיין איין טאג פון הפצה.