בעזרת ה' יתברך - יום ג' פרשת יתרו, י"ג שבט, שנת תשפ"ה לפרט קטן
מרת ... תחי'
איך האב ערהאלטן די בריוו מיט די גוטע נייעס.
איר פרעגט וואס זיך פארצונעמען אז אלעס זאל זיין גוט; נעמט זיך פאר צו דאנקען דעם אייבערשטן, מיר אלע דארפן פאררעכטן די איין זאך, אז מיר דאנקען נישט גענוג דעם אייבערשטן, מען פארגעסט די חסדים פונעם אייבערשטן; ווען עפעס גייט נישט גוט - דעמאלט דערמאנט מען זיך צו רעדן צום אייבערשטן, און ווען אלעס איז גוט פארגעסט מען דערפון.
אז איר ווילט זיך עפעס אונטערנעמען אז אלעס זאל גיין גרינג און גוט - זאלט איר באשטימען יעדן טאג אפאר מינוט וואס איר גייט דעמאלט דורך אייער לעבן, אלע חסדים, און דאנקען דעם אייבערשטן.
א גרויסן יישר כח פאר אלעס וואס איר און אייער מאן טוען פאר די הייליגע מוסדות וואס פארשפרייט אמונה און קדושה אויף די וועלט.
דער אייבערשטער זאל העלפן איר זאלט האבן הצלחה אין אלע ענינים.