בעזרת ה' יתברך - יום ה' פרשת בהר-בחוקותי, כ"ד אייר, ל"ט לעומר, שנת תשפ"ה לפרט קטן
מרת ... תחי'
איך האב ערהאלטן אייער בריוו.
ערשטנס בעט איך איבער פארן נישט ענטפערן ביז יעצט, איך בין אוועק געפארן, איך בין געווען אין ארץ ישראל, איך האב נישט געהאט די מעגליכקייט צו ענטפערן.
בנוגע די חובות וכו'; איך וועל רעדן אם ירצה ה' מיט ..., אים זאגן ער זאל באצאלן און נישט אויפהאלטן די געלט.
בנוגע וכו'; איך וועל רעדן צו די בחורים זאלן זיך אכטונג געבן פון רופן די נומערן וואס מען קען הערן שלעכטע זאכן.
בנוגע וואס מען קען טון אז עס זאל ווערן שידוכים ביי די אייניקלעך; איך וועל דאווענען פאר די אייניקלעך זיי זאלן טרעפן שנעל א שידוך. אויך די באבע זאל זיך פארנעמען עפעס צו מאכן לכבוד שבת, עפעס א גוטע עסן - עס זאל זיין א זכות פאר די אייניקלעך פאר א שידוך, ווייל אז מען מאכט עפעס ספעציעל, אן עסן לכבוד שבת, און מען בעט דעם אייבערשטן עס זאל זיין א זכות פאר א קינד אדער אייניקל, אדער אפילו פאר זיך אליין צו זיין געזונט - זעט מען גרויסע ישועות.
דער אייבערשטער זאל העלפן זאלסט האבן הצלחה אין אלע ענינים.