בעזרת ה' יתברך
ליל שישי פרשת קדושים, ה' אייר, כ' לעומר, שנת תשפ"ב לפרט קטן
לכבוד מיין טייערער ... נרו יאיר, מאנסי
איך האב ערהאלטן א בריוו פון דיין ווייב.
וואס איז בכלל די פראגע, וואס איז אז ער וויל זיך נישט אפגיסן נעגל וואסער? מען טוט נישט וואס מען וויל, מען טוט וואס מען דארף טון. ענקער ארבעט איז אים אויסלערנען צו טון וואס מען דארף, יעצט איז די צייט, ביי די פינף יאר – דעמאלט איז די צייט אויסצולערנען די קינדער צו טון וואס איז ריכטיג.
ווען מיינע קינדער זאגן מיר "איך וויל נישט", "איך האב נישט ליב", וכדומה, לערן איך זיי מען טוט נישט נאר זאכן וואס מען וויל און וואס מען האט ליב, מען טוט וואס איז ריכטיג.
גיס אים אפ נעגל וואסער; מאך עס אינטערעסאנט. לויב אים און הייב אים אויף, און מאך אים פאלגן.