בעזרת ה' יתברך
ערב שבת קודש פרשת ויקרא-זכור, ט' אדר ב', שנת תשפ"ב לפרט קטן
לכבוד מיין ליבער ... נרו יאיר
זאלסט האבן אויסגע'פועל'ט אלעס גוטס, און א גרויסן יישר כח פאר'ן מתפלל זיין פאר מיר ביי קברי צדיקים, בפרט אין יבנאל ביי מוהרא"ש זכותו יגן עלינו.
או, עס בענקט צו מוהרא"ש, או בענק איך זיך; ווען איך פארבענק זיך האב איך גלייך מוהרא"ש, איך עפן די הייליגע ספרים און איך האב מוהרא"ש ביי מיר אין שטוב.
אסאך פרישע תלמידים וויינען, זיי זאגן א שאד מיר האבן נישט געקענט מוהרא"ש, א שאד מיר זענען מקורב געווארן צי שפעט; דאס איז נאריש, ווייל מוהרא"ש איז דא, רבי נתן איז דא, דער רבי איז דא; צדיקים לעבן, זיי זענען מיט די וואס לערנען זייערע ספרים.