בריוון פונעם ראש ישיבה שליט"א

#1 - פאלגן דעם ציין דאקטער
חיזוק פאר פרויען, רפואה

בעזרת ה' יתברך


יום ג' פרשת חיי שרה, כ"א מר-חשון, שנת תשע"ט לפרט קטן


 


מרת ... תחי'.


איך האב ערהאלטן אייער בריוו.


א איד איז געקומען פארציילן פארן רבי'ן אז ער האט זיך גע'חלומ'ט א שלעכטע חלום, אז זיין ציין איז אים ארויס געפאלן און ער האט מורא פון דעם חלום, ווייל מיט דעם ווייזט מען אים פון אויבן אז זיינע חכמות וועלן בטל ווערן און אוועק פאלן. האט אים דער רבי געזאגט (חיי מוהר"ן, סימן תנז): "אַדְּרַבָּה, הַשְּׁטוּת שֶׁלְּךָ יִתְבַּטֵּל", פונקט פארקערט, נישט דיינע חכמות וועלן בטל ווערן, נאר דיינע שטותים וועלן אוועק פאלן, עיין שם.


דאס זעלבע זאג איך אייך, אז דער ציין דאקטער זאגט אז מען דארף ארויס שלעפן די ציין וואס איז אינפעקטעד וכו' און עס איז נישט דא וואס צו טון מיט דעם, זאלט איר טון וואס דער ציין דאקטער זאגט, האטס נישט מורא; מיט דעם וועט מקוים ווערן ביי אייך די שיחה פון רבי'ן, אלע אייערע דמיונות און בלבולים וועלן אוועק פאלן פון אייך, איר וועט זיין געזונט און שטארק און שעפן נחת פון אייערע קינדער.