בעזרת ה' יתברך - יום א' פרשת בא, כ"ט טבת, שנת תשפ"ו לפרט קטן
... נרו יאיר
זע צו געבן גוטע ווערטער אין שטוב, זיי בגדלות המוחין אנצוהייבן מיט געבן גוטע ווערטער; נישט צו זיין צווייט, נאר זיי דו ערשט צו לויבן און זיך באדאנקען וכו' וכו'.
פאריגע וואך שבת האבן מיר גערעדט ביי סיפורי מעשיות אין ישיבה, אז ווען מאן און ווייב ווארטן ביידע צו באקומען א גוט ווארט וכו', און ביידע האבן זייערע חכמות (קאמפלעקסן) פון נישט אנהייבן וכו', נאר נאכקומען צווייט, אז דאס איז מרומז אין וואס חכמינו זכרונם לברכה זאגן (ברכות כ:): "אשה מברכת לבעלה, אבל אמרו חכמים 'תבא מארה לאדם שאשתו מברך לו'", ווייל עס קומט פארקערט, דער מאן זאל אויסלויבן און דאנקען מיט גוטע ווערטער, און די פרוי זאל ענטפערן וכו', און אז עס גייט פארקערט - איז דאס פארקערט פון ברכה.
בעט דעם אייבערשטן זאלסט קענען געבן ליבשאפט און ווארעמקייט; מיט תפילה קען מען מאכן פון א פארהארטעוועטע, קאלטע, פארשפארטע געפילן הארץ צו א ווארעמע פארגעבנדע רעדענדיגע וכו' הארץ.