בעזרת ה' יתברך - ערב שבת קודש פרשת קרח, ב' דראש חודש תמוז, שנת תשפ"ה לפרט קטן
לכבוד מיין טייערער ליבער ...
איך דאנק דיר פארן מיר העלפן אויספירן די ווילן פון מוהרא"ש זכותו יגן עלינו, פון אויפשטעלן די הערליכע מוסדות היכל הקודש און די שיינע קהילה.
יעצט דארף מען זיך פארלייגן אויף פרייליך מאכן אנשי שלומינו, שמייכלען, באגריסן, וכדומה. עס גייט אריבער אויף אנשי שלומינו אסאך איבערגייאכץ, און מיט א שמייכל און א גוט ווארט קען מען זיי אויפלעבן און פארענטפערן אלע קשיות וכו', אזוי ווי עס שטייט: "והי' מעשה צדקה שלום", זאגן די הייליגע חכמים (), וואס האט צדקה מיט שלום? נאר דער צעבראכענער ארעמאן (בדעת) גייט ארום מיט קשיות אויפן אייבערשטן און אויף צדיקים, און ווען מען געבט זיי צדקה (א שמייכל), מאכט מען שלום צווישן זיי און דער אייבערשטער.