בעזרת ה' יתברך
ערב שבת קודש פרשת שמות, כ' טבת, שנת תשפ"ב לפרט קטן
לכבוד ... נרו יאיר, בני ברק
איך האב ערהאלטן דיין בריוו.
איך פריי זיך זייער צו ליינען אלע דיינע בריוו, זייער גוט אז דו ביסט געפארן מיט די חברים תלמידי היכל הקודש צו די הייליגע פלעצער; זאלסט האבן גע'פועל'ט אלעס גוטס און א גרויסן יישר כח פאר'ן בעטן פאר מיר.
דו שרייבסט אז איינע פון די פלעצער וואו איר זענט געווען מתפלל זיין איז ביי קבר רחל אשת רבי עקיבא; וויסן זאלסטו אז דאס איז אן אויסגעטראכטע באבע מעשה. איינער האט אוועקגעשטעלט א גרויסן טאוול: "קבר רחל אשת רבי עקיבא", אלע וואס פאר'ן אריבער אין טברי' אויפ'ן וועג צום קבר פון רבי מאיר בעל הנס זעען דעם גרויסן טאוול: "קבר רחל אשת רבי עקיבא", מען מיינט אז דארט איז דא א קבר און מען גייט אהין דאווענען; דאס איז א נייע זאך, א באבע מעשה אויסגעזויגן פון פינגער.
געב א גרוס פאר ... נרו יאיר; זאג אים אז איך האב זייער הנאה אז ער האט געמאכט זיין סיום אויף האלב ש"ס אין יבנאל ביים ציון פון מוהרא"ש זכותו יגן עלינו.
געב א גרוס פאר ... נרו יאיר.
דער אייבערשטער זאל העלפן זאלסט האבן הצלחה אין אלע ענינים.