בריוון פונעם ראש ישיבה שליט"א

#1 - קינדער כאפן אויף יעדע ריר
חינוך הילדים

בעזרת ה' יתברך


יום ג' לסדר טהרה, כ"ז ניסן, שנת תש"פ לפרט קטן


 


טייערער ליבער ... נרו יאיר.


ווען דו העלפסט אין תלמוד תורה, דו טיילסט אויס דאס עסן פאר די קינדער און דו דערציילסט זיי מעשיות זאלסטו געדענקען אז די קינדער זעען אלעס און פארשטייען אלעס, זיי כאפן אויף יעדע ריר און יעדע אטעם פון די מלמדים; מען דארף זיין זייער פארזיכטיג אז אלעס זאל זיין מיט א תמימות, אן קיין לצנות.


אין דעם זכות וואס מיר העלפן בויען די מוסדות וואס זענען מגלה דעם הייליגן רבינ'ס עצות פאר די גאנצע וועלט, וועלן מיר זוכה זיין צו פאררעכטן אלעס; דאס וועט אונז בלייבן פאר א זכות אויף די וועלט און אויף יענע וועלט.


זארג נישט, דו וועסט טרעפן א גוטע שידוך. ביז דערווייל זיי ממשיך מיט דיינע שיעורים כסדרן.


פון דיין ראש ישיבה.