בעזרת ה' יתברך - יום ה' פרשת וישלח, י"ד כסליו, שנת תשפ"ו לפרט קטן
... נרו יאיר, קרית ברסלב
מאך זיך א קביעות יעדן טאג פאר א שטיק צייט, אפילו נאר אפאר מינוט – צו רעדן צום אייבערשטן. זוך דיר א שטילע פלאץ, לעש אויס דיין טעלעפאן און שמועס זיך אויס דיין הארץ צום אייבערשטן, און אפילו דו וועסט נישט האבן קיין דיבורים – זאלסטו זיצן און בענקען צום אייבערשטן, און זאגן: "אייבערשטער דו ווייסט אלעס"; זאג איבער נאר די ווארט 'אייבערשטער דו ווייסט אלעס'.
דאס איז מרומז אין פסוק (תהילים קלט, ד): "כִּי אֵין מִלָּה בִּלְשׁוֹנִי", ווען איך האב נישט קיין ווערטער וואס צו רעדן ביי התבודדות, די מויל איז פארמאכט, פארשלאסן, זאל מען זאגן די ווערטער: "הֵן ה' יָדַעְתָּ כֻלָּהּ, רבונו של עולם דו ווייסט אלעס", און אז מען זאגט איבער פעמים אין מספר, וועט דער אייבערשטער העלפן, עס וועט אריינקומען גוטע דיבורים, "ויפתח פיו, ויוכל לפרש שיחתו" (לקוטי מוהר"ן חלק ב', סימן צו).
מיר האבן געעפנט א כולל בוקר אין שטעטל צו לערנען א שעה פארן דאווענען, פון זעקס אינדערפרי ביז זיבן – ח"י פרקים משניות, יום תהילים און חומש רש"י איינגעטיילט לויט די טעג פון די וואך. וואויל איז דער וואס הייבט אן די טאג מיט אזעלכע ליכטיגקייטן.