בעזרת ה' יתברך - יום ה' פרשת חיי שרה, כ"ב מרחשון, שנת תשפ"ו לפרט קטן
משפחת ...
ענק זענען תלמידים פון מוהרא"ש פאר צענדליגע יארן, ווייסט איר אוודאי וואס מוהרא"ש האט אונז געלערנט, אז רענט, דירה געלט – קומט פאר אלעס.
איך בין זייער אנטוישט אז דער אינגערמאן וואס איך האב אים געבעטן ער זאל ענק טון די טובה, נעמען די דירה אויף זיין נאמען – זאגט מיר יעצט אז ענק צאלן נישט די מארטגעדזש; דער אינגערמאן איז נישט א גביר וואס קען זיך אן עצה געבן, ער מוטשעט זיך מיט זיין אייגענע פרנסה; איז ווי קען זיין אזא זאך אז מען טוט דאס צו אים און צו מיר, איך האב גענומען ערבות נאר ווייל איך האב ענק געוואלט העלפן, און הגם מוהרא"ש האט געזאגט נישט נעמען ערבות, האב איך דאס געטון; איך דארף זיך אליינס דעקן, איז ווי האב איך יעצט איבריגע געלט צו באצאלן ענקער מארטגעדזש.
ווער דארף האבן א דירה אז מען קען עס נישט דעקן? ענדערש וואוינען אין א קליינע דירה, נישט קיין לוקסוס, אן קיין חובות, ווי צו וואוינען ווי א פריץ מיט חובות.
עס איז מיר נישט גרינג, איך אליין דארף צאלן היינט די איינגעשטעלטע פון די חדר, ישיבה, בית פיגא – א חשבון פון הונדערט טויזנט דאלער, און איך ווייס נישט פון וואו עס צו נעמען, דאס איז אויסער די מוסדות אין ארץ הקודש על טהרת הקודש וואס קאסט חודש'ליך פופציג אלפים, ברוך ה' רוב פון די חודש ווערט געדעקט ביי אנשי שלומינו פון ארץ ישראל, אבער די איבריגע דארף איך דעקן.
אזוי אויך די כולל ווערט טאקע געדעקט רוב ביים פאנדרעיזער, אבער ווער שאפט די איבריגע? דאס ליגט אויף מיין מח, און נאך אסאך וואס איך קען נישט דערציילן; איז דאס נישט ריכטיג אז איך זאל דארפן צאלן ענקער מארטגעדזש.