בעזרת ה' יתברך - יום א' פרשת חקת, ג' תמוז, שנת תשפ"ה לפרט קטן
טייערער ... נרו יאיר
געב דיין ווייב געלט צו קויפן קליידער און פאר די קינדער קליידער, מאך נישט אנגעצויגן אין שטוב, פארלאנגט נישט א דין וחשבון אויף די געלט.
איך האב געהערט פון מוהרא"ש זכותו יגן עלינו: "געלט איז רינדעכיג, עס גייט און עס קומט", אזוי ווי די הייליגע חכמים זאגן, פארוואס רופט מען עס "זוז"? ווייל עס גייט פון איינעם צום צווייטן, און אויב מען כאפט אן די געלט שטארק, מען לאזט עס נישט אוועק, שטעלט זיך אפ די שפע, עס קומט נישט קיין פרישע.
איך זע אז ביי די זאך ווערט א ריס אין ענקער שטוב אין די ליבשאפט, א שאד א שאד עס זאל ווערן קאליע די ליבשאפט פאר די נארישע געלט.