בעזרת ה' יתברך
יום ד' פרשת אחרי-קדושים, ה' אייר, שנת תש"פ לפרט קטן
לכבוד מיין טייערער ליבער ... נרו יאיר.
עס קומט נישט אויס מיר זאלן רעדן אסאך, אבער איך וויל דיר דערציילן וואס עס טוט זיך ביי מיר אין הארץ.
עס גייט נישט אריבער א טאג וואס איך זאל נישט בעטן פאר דיר; פאר דיין הצלחה אין אלע ענינים. איך טראכט פון דיר און איך טו פאר דיר אפילו דו ווייסט נישט.
איך בעט דיר זייער מיין טייערער ליבער ברודער, שטארק זיך, דערהאלט זיך; איך ווייס אז עס איז ביטער שווער, גלייב מיר, פאר יעדן איינעם איז ביטער שווער; יעדן איינעם פרובירט מען אויס אויף אן אנדערן וועג.
איך גלייב אז יעדע רגע קען קומען דיין ישועה; איך ווארט און האף צו זען ווען די זון וועט אויפשיינען אויף דיר.
דיין ראש ישיבה וואס ליבט דיר.