בעזרת ה' יתברך
יום א' פרשת מטות-מסעי, כ"ד תמוז, שנת תשפ"א לפרט קטן
... תחי', תלמידה בית פיגא
איך האב ערהאלטן אייער בריוו.
זייט נישט באזארגט, נאך אביסל זענט איר א כלה, נאך אפאר תפילות צום אייבערשטן, נאך אביסל תודה והודאה פאר אלע חסדים וואס ער טוט מיט אונז – און איר זענט א כלה.
חכמינו זכרונם לברכה זאגן (סוטה ב.): "קשה זיווגו של אדם כקריעת ים סוף", א שידוך איז אזוי ווי קריעת ים סוף; מען זעט נישט גארנישט, מען קען גארנישט טראכטן פון וואו, ווען, ווי אזוי און פלוצלונג געבט דער צדיק א שפאלט דעם ים און מען גייט אוועק פון אלע צרות. אזוי איז א שידוך, מען זעט נישט, מען ווייסט נישט, ביז פלוצלונג: "מזל טוב, כלה!"