בעזרת ה' יתברך
יום ב' פרשת בשלח, י"ב שבט, שנת תשפ"א לפרט קטן
מרת ... תחי'
איך האב אייך שוין געשריבן פאריגע וואך חיזוק אויף שלום בית, איך האף איר האט באקומען די בריוו.
שלום בית איז א זאך וואס מען דארף ארבעטן אויף דעם, שלום בית איז זייער חשוב ביים אייבערשטן. דער סמ"ך מ"ם ימח שמו זוכט אוועק צו נעמען די שלום אין אידישע שטובער, ביי יעדן איינעם מיט אן אנדערע זאך; איינעם קומט ער איינרעדן 'דיין מאן איז א בטלן', פאר א צווייטן זאגט ער 'דיין מאן איז נישט צום זאך' און די ערגסטע זאך איז ווען דער סמ"ך מ"ם קומט איינרעדן 'דיין מאן איז נישט ערליך'.
איך בעט אייך זייער, נעמט דעם בריוו פאר אייך פערזענליך, גלייבט וואס איך שרייב אייך; אייער מאן איז חשוב און טייער, ער איז אן ערליכער איד, איך האב אים זייער ליב; הערט נישט אויס דעם סמ"ך מ"ם.
איך וועל זיך זייער פרייען אז איר וועט מיר מודיע זיין אז איר האט באקומען דעם בריוו.