בעזרת ה' יתברך - יום ד' פרשת נשא, ח' סיון, אסרו חג, שנת תשפ"ה לפרט קטן
לכבוד ... נרו יאיר
יום טוב שבועות איז געווען א הערליכע חתונה, די אידן מיט די תורה האבן חתונה געהאט, יעצט דארף מען ארבעטן אויף די שלום בית, מען זאל זיך מאכן יעדן טאג א צייט צו האבן איינע מיט די צווייטע; לערנען שיעורים כסדרן און קומען אין שול דאווענען מיט מנין דריי מאל א טאג.
יום טוב בין איך געווען אין שטעטל, עס איז געווען אזוי שיין, מען האט געשפירט ווי דער רבי איז געווען מיט אונז מיט רבי נתן און מוהרא"ש, עס איז דא צווישן אנשי שלומינו ליבשאפט און שלום און גרויס תמימות.
רעד שיין צו דיין ווייב, טשעפע איר נישט, און אז זי האט דיר געזאגט א שארף ווארט - זאלסטו שווייגן און דאס נעמען פאר כפרת עוונות, ווייל אז מען טשעפעט די ווייב, מען טוט איר וויי - באצאלט מען זייער א שווערע שטראף.
איך דארף מקצר זיין, עס איז דא היינט א חתונה אין ישיבה. מען זעט ווי די ווילן פון מוהרא"ש פון מאכן חתונות פשוט, איידל און שיין - גייט אריין אין די וועלט.
דער אייבערשטער זאל העלפן זאלסט האבן הצלחה אין אלע ענינים.